Ички ишлар вазирлиги Бахтиёр Қудратуллаевнинг катта ўғли Бекзод Зафаров ҳақида колония лавҳасини эълон қилди. У ўзининг отасининг номи остида хато фикр билан ҳаракат қилганини тан олиб, колония ичида хўжалик ва қурилиш ишлари билан шуғулланаётганини айтди. “Нотоғри иш қилган эканман. Битта касб ўрганиб, юртда фойдам тегадиган иш қилган ҳолда оиламнинг бағрида бўлганим минг марта афзалроқ эди”, – деди Бекзод Зафаров.
Бекзод колония ичида ишлаб чиқариш корхоналарида фойдали меҳнат билан шуғулланаётганини маълум қилди. У ҳозир хўжалик ва қурилиш ишлари билан банд бўлиб, қолган вақтида темир-терсак билан ишлашни давом эттираётганини айтди. Шу тариқа у қоидалар ва интизомга риоя қилган ҳолда жамиятга фойда келтирадиган иш билан шуғулланмоқда.
У ўтмишда отасининг изидан бориб, унинг ўрнини эгаллашни хоҳлаб хато йўлни танлаганини тан олди. “Отамнинг йўналишини ушлайман, ўрнини эгаллайман, деб хаёлда юргандим. Энди тушундимки, буларнинг ҳаммаси катта хато экан. Оила бағрида бўлиш, ҳалол меҳнат қилиш анча афзал”, деди Бекзод.
Бекзод оила билан вақт ўтказолмаслигидан қайғурди. У фарзандининг биринчи синфга чиққан пайти ёнида бўлолмаслигини, ўқиш машғулотларини кузата олмаслигини ва бу ҳолат қалбини қийнашини айтди. “Тунги тушларимда болаларим тушимга киради. Шу нарсалар мени энг кўп алам қиладиган жиҳатлар”, – дея қўшимча қилди у.
Шунингдек, у ёшлигида чучварани хом санаганини тан олиб, қонунни билиб унга амал қилиш зарурлигини таъкидлади. “Қанийди вақтни орқага қайтариш имконим бўлганида ҳалол юриб, оилам билан бирга бўлишни истардим. Ҳибсхона ошини еётганимдан кўра, оила даврасида бир бўлак нон ейиш минг марта афзалроқ экан”, деди Бекзод.
Бекзод Зафаров 1994 йилда Тошкентда туғилган ва товламачилик ҳамда фирибгарлик жиноятлари учун 11 йилга озодликдан маҳрум қилинган. Унинг укаси Икҳтиёр Қудратуллаев 9 йил, отаси Бахтиёр Қудратуллаев эса 20 йилга қамалган.