2026 йил 8 февраль куни Франциянинг Париж шаҳрида бўлиб ўтган нуфузли IJF Judo Awards тақдирлаш маросимида Ўзбекистон дзюдо тизими халқаро даражада юксак баҳоланди. Тақдирлаш маросимида Ўзбекистон Дзюдо Федерацияси томонидан амалга оширилаётган болалар спортини ривожлантиришга қаратилган лойиҳа “Judo for Children Project of the Year” — “Йилнинг энг яхши болалар лойиҳаси” номинациясида ғолиб деб топилди.
Мукофотни дзюдо бўйича Олимпия чемпиони Диёра Келдиёрова қабул қилиб олди. Тадбирда Ўзбекистон Дзюдо Федерацияси раиси Азизжон Комилов бошчилигидаги расмий делегация ҳам иштирок этди.
Мазкур эътироф Ўзбекистонда дзюдо спорт турини тизимли ривожлантириш, ёш авлодни спортга кенг жалб қилиш ҳамда болалар спорт инфратузилмасини такомиллаштириш борасида олиб борилаётган ислоҳотларнинг амалий натижаси сифатида баҳоланмоқда.
Шунингдек, Диёра Келдиёрова томонидан ташкил этилган болалар дзюдо клуби ҳам Халқаро дзюдо федерацияси томонидан юқори баҳоланиб, болалар спортини ривожлантириш йўналишидаги илғор ташаббуслардан бири сифатида эътироф этилди.