Ўзбекистоннинг 70 фоиз ери қурғоқчил майдондан иборат. Бу ҳақда ўрмон хўжалиги давлат қўмитаси матбуот котиби Отабек Ашуров маълум қилди.
Унинг сўзларига кўра, экологик муаммолар ва иқлим ўзгариши оқибатида қурғоқчилик жараёни тезлашган. Глобал миқиёсда бу кўрсаткич аср бошига нисбатан 29% кўп ва ҳар йили 55 миллион кишига таъсир қилади.
2050 йилга бориб қурғоқчилик дунё аҳолисининг тўртдан уч қисмига таъсир қилиши мумкинлиги тахмин қилинмоқда.
Аввалроқ Ўзбекистонда шамол ва қуёш “атласи” ишлаб чиқилиши маълум бўлганди.