Ўзгидромет хабарига кўра, 17–22 декабрь кунлари кутилаётган ёғингарчилик ҳамда ҳаво ҳароратининг ўзгариши сабабли республиканинг тоғли ҳудудларида қор кўчиши хавфи юзага келиши мумкин.
Қор кўчиши хавфи қуйидаги ҳудудларда прогноз қилинмоқда:
- Қашқадарё вилоятида — Деҳқонобод, Китоб, Қамаши ва Шаҳрисабз туманларида;
- Сурхондарё вилоятида — Бойсун, Қумқўрғон, Сариосиё ва Узун туманларида;
- Самарқанд вилоятида — Нуробод, Қўшработ, Самарқанд ва Ургут туманларида;
- Жиззах вилоятида — Бахмал ва Зомин туманларида;
- Тошкент вилоятида — Бўстонлиқ, Паркент ва Оҳангарон туманларида (Чатқол тизмаси тоғлари);
- Наманган вилоятида — Поп туманида.
Ўзгидромет тоғли ҳудудларда истиқомат қилувчи фуқароларни, дам олувчиларни ҳамда ушбу ҳудудларда ҳаракатланаётган ҳайдовчиларни эҳтиёткорлик чораларига қатъий риоя қилишга чақирди.