Польша Президентининг сўзларига кўра, Варшава манфаатлари Россия агрессиясини қайтариш заруратини ўз ичига олади.
"Шунинг учун биз ҳарбий ёрдам бўйича қарорлар қабул қиляпмиз. Бундан ташқари, Польшанинг "ғайриоддий имо-ишоралари" ва Украинага нисбатан яхши қўшничилик ниятлари мамлакатнинг халқаро майдондаги нуфузини оширди", — дея қўшимча қилди Дуда.
Польша Украинага асосий қурол етказиб берувчилардан бири бўлиб, мамлакат биринчилардан бўлиб Киевга Россия ҳужумларини қайтариш учун оммавий равишда танклар етказиб берган. Бундан ташқари, Польшага Россиянинг Украинага бостириб кириши бошланганидан кейин 6 миллиондан ортиқ украиналик қочқин кириб келган.