Украина президенти Владимир Зеленский G7 давлатлари етакчиларига Киевга қурол-яроғ етказиб беришни кўпайтириш илтимоси билан мурожаат қилади. Бу ҳақса “Reuters” нашри ёзмоқда.
Қайд этилишича, “Катта еттилик” етакчилари учрашиб, Украинани қўллаб-қувватлашни кучайтириш имкониятларини муҳокама қилади. Бундан ташқари, G7 аъзолари Минск Украина яқинида қўшинларни жойлаштиргани учун Беларусга “огоҳлантириш” бериши мумкин.
Эслатиб ўтамиз, аввалроқ АҚШ президенти Жо Байден Зеленский билан телефон орқали мулоқот қилган эди. Америка раҳбари ўз ҳамкасбига Киевни барча зарур нарсалар билан, жумладан, илғор ҳаво мудофаа тизимлари билан таъминлашда давом этишга ваъда берди.
Россиянинг Украинадаги махсус операцияси фонида Қўшма Штатлар ва унинг НАТО бўйича иттифоқчилари Киев режимига тўхтовсиз қурол-яроғлар юбормоқда ва бунинг учун ўнлаб миллиард доллар ажратмоқда. Ўз навбатида, Москва Ғарб қуролларини етказиб бериш фақат можарони узайтиришини бир неча бор таъкидлаган.