Қанча украиналик Буюк Британияда ҳарбий тайёргарликдан ўтгани маълум бўлди
Машғулотлар июнь ойида бошланган.
Июнь ойидан буён 4.7 минг украиналик Британия ҳудудида ҳарбий тайёргарликдан ўтди. Бу ҳақда Sky News телеканали хабар берди.
Унга кўра, ҳарбийлар Англия шимоли, жануби-ғарби ва жануби-шарқида тайёргарлик кўрмоқда. Лондон уларни ўқитиш муддатини 3 ҳафтадан 5 ҳафтага узайтиришга қарор қилган. Буюк Британия мудофаа вазири Бен Уоллеснинг таъкидлашича, бу орқали украиналикларнинг ҳарбий тайёргарлиги сифатини ошириш мақсад қилинган.
Ўқув машғулотларида Канада, Дания, Финляндия, Норвегия, Литва, Швеция, Нидерландия ва Янги Зеландиядан келган ҳарбий мураббийлар иштирок этмоқда.
Аввалроқ Буюк Британия Киевга реактив тизимлар етказиб бергани тўғрисида хабар берилганди.
