Кеча, 15 сентябрь куни соат 13:20 атрофида Деҳқонобод тумани “Деҳқонобод” МФЙ ҳудудидан ўтган М-39 “Тошкент-Термиз” автомобиль йўлининг 83 километрида йўл-транспорт ҳодисаси содир бўлган.
Маълум қилинишича, ҳайдовчи Х.Х. “Камаз” русумли юк автомашинасини бошқариб келаётган вақти орқа тиркамаси чиқиб кетган. Натижада қарама-қарши томондан ҳаракатланиб келаётган “Камаз“нинг чап ён томонидан тегиб, олдинда қарама-қарши томондан ҳаракатланиб келаётган “Лабо“ русумли автомашинаси олд томонига бориб урилган. Шундан сўнг йўл четида тўхтаб турган Cobalt русумли автомашина билан тўқнашган.
Оқибатда “Лабо“ русумли автомашина ҳайдовчиси М.М. олган тан жароҳатлари сабаб туман шифохонасига ётқизилган.
Ҳозирда ҳолат юзасидан суриштирув ҳаракатлари олиб борилмоқда.