Қашқадарёда қарийб 200 мингта “пақилдоқ” тўхтатиб қолинди
Ҳозирда ҳолат юзасидан божхона текширувлари ўтказилмоқда.
Қашқадарё вилояти божхона бошқармаси Контрабандага қарши курашиш бўлими ходимлари вилоят Миллий гвардия, ИИБ ва ЙҲХБ ходимлари билан ҳамкорликда пиротехника воситаларини ноқонуний реализациясига қарши курашиш йўналишида Кўкдала туманида тезкор тадбир ўтказишди.
Тадбир давомида “Тошкент-Қарши” йўналишида ҳаракатланиб келаётган автотранспорт воситаси тўхтатилиб, кўздан кечирилганда, унинг юкхонасида кўп миқдорда пиротехника воситалари борлиги маълум бўлди.
Ушбу пиротехника воситалари белгиланган тартибда саноқдан ўтказилганда эса 8 дона картон қутилар ичида жами 196 200 дона петардалар жойлаштирилганлиги ошкор бўлди. Мазкур воситаларнинг умумий қиймати дастлабки ҳисоб-китобларга кўра қарийб 50 млн сўмни ташкил этмоқда.
Ҳозирда ҳолат юзасидан божхона текширувлари олиб борилмоқда.
