Қўқонда алиментдан қарздор ота ертўладан топилди
Шундан сўнг унга нисбатан маъмурий қамоқ жазоси тайинланган.
Фарғона вилоятининг Қўқон шаҳрида алимент тўлашдан бўйин товлаб, яшириниб юрган ота ертўладан топилди. Бу ҳақида МИБ ахборот хизмати Zamon.uz'га маълум қилди.
Қайд этилишича, алимент мажбуриятини бажармай келган ота маҳалладаги уйнинг подвалида яширинган ҳолда топилган.
Ўзини оқлаш учун “подвалга газ улаганим учун кирдим” деб баҳона қилган.
“Давлат ижрочиси ижро ҳужжатлари асосида тезкор ҳаракат қилди, зарур ҳужжатлар судга тақдим этилди ва Қўқон суди томонидан 15 сутка маъмурий қамоқ жазоси қўлланди”, дейилади хабарда.
