Ўтказилган тезкор тадбирда фуқаролар М.Ю., А.Ж. ва г.Ю. ўзаро тил бириктириб, “Шимом” МФЙ ҳудудидаги “M.m.” МЧЖга қарашли бинода қўлбола алкоголь маҳсулотлари ишлаб чиқарувчи яширин цех ташкил этгани фош этилган. Ушбу цехдан 12 420 дона қалбаки акциз маркалар, 2 та рулонда “QR-код” маркировкалар турли ҳажмдаги “QARATAW” ҳамда “Чистая водка” номли 1 788 дона қўлбола алкоголь маҳсулотлари, 1 420 литр спирт, 8 260 дона бўш шиша идишлар ва бошқа ишлаб чиқаришда фойдаланилган жами 164,5 млн сўмлик товар моддий бойликлари ашёвий далил сифатида олинган.
Мазкур ҳолат юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.