Қозоғистонда ўзбекистонлик эркак пенсионер аёлни ваҳшийларча ўлдирди
У аёлни болта билан уриб ҳушидан кетказган, сўнг пичоқ билан сўйган.
Қозоғистоннинг Сариағаш шаҳрида май ойида содир этилган қотиллик иши бўйича суд қарори эълон қилинди. Тергов маълумотларига кўра, 39 ёшли Ўзбекистон фуқароси А.Н. пенсионерни болта билан уриб, боғлаб қўйган. Жабрланувчи ҳушини йўқотгач, унинг томоғини кесиб, қўллари ва жинсий аъзоларини ҳам шикастлаган.
Суд жараёнида айбланувчининг айби тўлиқ исботланган. Бироқ психиатрия экспертизаси унинг сурункали параноид шизофренияга чалинганини ва 6 йилдан ортиқ вақтдан бери рўйхатда турганини аниқлади.
Туркистон вилояти суди қарорига кўра, у жиноий жавобгарликдан озод этилди ва Олмаота вилояти Талгар туманидаги ихтисослаштирилган руҳий касалликлар шифохонасига мажбурий тартибда жойлаштирилди.
Марҳумнинг қариндошлари суд ҳукмидан норозилик билдириб, апелляция шикояти киритишган.
