Россия ҳарбий самолёти Сибир жанубидаги турар-жой ҳудудига қулади, дея хабар бермоқда BBC нашри.
Қайд этилишича, «SU–30» қирувчи самолёти Иркутск шаҳридаги икки қаватли уйга бориб урилган.
Бортда бўлган иккала учувчи ҳам ҳалок бўлган, бироқ аҳолидан ҳеч ким жабрланмаган.
Россия Фавқулодда вазиятлар вазирлиги маълумотларига кўра, самолёт қулаган пайтда синов парвозини амалга ошираётган эди. Ижтимоий тармоқлардаги видеоларда бир нечта бинолар ёнаётгани акс этган.