Транспортдан сунъий интеллектгача: Ўзбекистон ва Корея ҳамкорликни кенгайтирмоқда
Сеулдаги музокаралар якунида Ўзбекистон ва Корея ўртасида қатор икки томонлама ҳужжатлар алмашилди.
Сеул шаҳрида Ўзбекистон ва Корея Республикаси президентлари Шавкат Мирзиёев ҳамда Ли Чже Мён иштирокида икки томонлама ҳужжатларни алмашиш маросими бўлиб ўтди.
Олий даражадаги музокаралар якунлари бўйича имзоланган ҳужжатлар тўплами икки мамлакат ўртасидаги савдо-иқтисодий, инвестициявий, гуманитар ва бошқа йўналишлардаги ҳамкорликни янада кенгайтиришга қаратилган.
Келишувлар транспорт ва авиация, қишлоқ хўжалиги, туризм, сунъий интеллект, техник кўмак, олий, умумий ва мактабгача таълим каби соҳаларни қамраб олган.
Шунингдек, тиббий маҳсулотларни тартибга солиш, атроф-муҳитни муҳофаза қилиш, иқлим ўзгаришига қарши курашиш, интеллектуал мулкни ҳимоя қилиш ҳамда архив иши бўйича ҳам ҳамкорликни ривожлантиришга оид ҳужжатлар имзоланди.
Мазкур келишувлар Ўзбекистон–Корея алоҳида стратегик шериклигини амалий мазмун билан бойитиш ва янги йўналишларда ҳамкорликни кучайтиришга хизмат қилади.
