Шотландия, Уэлс ва Шимолий Ирландия мустақиллик бўйича референдум ўтказмоқчи — The Telegraph
Ҳукумат раҳбарлари Буюк Британиядан мустақиллик масаласини муҳокама қилиш учун Кардиффда йиғилади.
Шотландия, Уэлс ва Шимолий Ирландия ҳукумати раҳбарлари Буюк Британиядан мустақиллик масаласини муҳокама қилиш учун Кардиффда учрашади. Саммитда уч ҳудуднинг мустақиллик бўйича референдум ўтказиш ҳуқуқи бўйича қўшма декларация имзоланиши кутилмоқда.
The Telegraph ёзишича, томонлар мустақиллик тарафдори кучларнинг ҳамкорлигини кучайтириш ва келгусидаги ҳаракатларни муҳокама қилади.
Учрашув Буюк Британияда Шотландиянинг мустақиллиги ва Шимолий Ирландиянинг Ирландия Республикаси билан бирлашиши ҳақидаги мунозаралар кучайган бир пайтга тўғри келмоқда.
Шотландия биринчи вазири Жон Свинни Буюк Британиянинг амалдаги сиёсий тузуми барқарор эмаслигини айтди. Унинг фикрича, Вестминстер мамлакат келажаги бўйича жиддий ўзгаришларга тайёрланиши керак.
Саммит Буюк Британия Бош вазири Энди Бернхемнинг Шотландияда яна бир мустақиллик референдумини ўтказиш эҳтимоли ҳақидаги баёнотидан бир неча кун ўтиб ўтказилмоқда. У референдумни қўллаб-қувватлаш бўйича “аниқ консенсус” шаклланса, бундай овоз беришга рухсат берилиши мумкинлигини билдирган.
Бундан икки кун аввал АҚШ президенти Доналд Трамп ҳам Шимолий Ирландиянинг Ирландия Республикаси билан бирлашиши ҳақида фикр билдирган. У бундай бирлашувни “ажойиб нарса” деб атаган.
