Россия ҳудудида ноябрь ойининг охири ва декабрь ойининг дастлабки кунларида бир қатор хорижий платформаларга киришни чеклаш бўйича чоралар кучайтирилди.
Дастлаб, 28 ноябрдан бошлаб WhatsApp мессенжерида хабар алмашиш ва қўнғироқ қилиш хизматларида узилишлар кузатила бошлади. Роскомнадзор ахборотига кўра, платформанинг Россия қонунчилигини бузганлиги сабабли унга нисбатан чекловлар жорий этилган. Мессенжернинг тўлиқ блокланиши ҳам истисно эмаслиги таъкидланмоқда.
Шунингдек, 3 декабрь куни Roblox онлайн ўйин платформаси тўлиқ блокланди. Ваколатли идора хабарига кўра, хизматда тақиқланган контент – хусусан, “LGBT ташвиқоти” элементи аниқланган.
Орадан бир кун ўтиб, 4 декабрь куни FaceTime ва Snapchat хизматлари ҳам чекловларга дучор қилди. Уларнинг айтилишича, FaceTime'нинг фирибгарлик ва террорчилик фаолиятларини ташкил этишда, Snapchat'нинг эса террористик гуруҳларга аъзолар ёллашда фойдаланилгани қайд этилган.
Роскомнадзор хорижий платформалар фаолияти устидан назорат кучайтирилганини, миллий қонунчилик талабларига риоя қилиниши мажбурийлигини маълум қилди.