Россиялик уч спортчи Ўзбекистон терма жамоасига ўтмоқда
Улар бир қатор мусобақалар чемпиони ҳисобланишади.
Конькида учиш бўйича олимпия чемпиони, ҳозирда Россия давлат думаси депутати Светлана Журова россиялик спортчилар — шорт-трекчилар Денис Айрапетян ва Даниил Ейбог ҳамда конькида учувчи Данила Семериков Ўзбекистон шарафини ҳимоя қилиш истагида эканликларидан афсусда эканини билдирди.
"Шундай вазиятда бу спортчилар Россиядан кетишаётганидан афсусдаман. Уларни тушунмайман, аммо танқид ҳам қилмайман. Улар ҳам Олимпиадада қатнашишни истайди", — деди Журова.
Семериков — жаҳон чемпионатлари совриндори, Айрапетян ва Ейбог — Европа чемпиони ҳисобланишади. 1 октябрь куни Россия конькида учувчилар иттифоқи ҳар уч спортчининг Ўзбекистон терма жамоасига ўтиши учун икки йиллик карантинни тасдиқлади.
