Қайд этилишича, 10 июнь куни соат 18:10 лар атрофида Тойлоқ тумани ҳудудидан ўтувчи 4K-529А автомобиль йўлининг 2-километрида “Қўрғонча — Қундузак” йўналишида ҳаракатланиб келаётган "Damas" русумли автомашина йўлнинг белгиланмаган қисмидан ўтаётган икки нафар пиёдани уриб юбориб, йўл-транспорт ҳодисаси содир этган.
Автоҳалокат оқибатида икки нафар пиёда ва транспорт воситаси ичида бўлган бир нафар йўловчи олган тан жароҳатлари билан туман тиббиёт бирлашмасига мурожаат қилган. ЙТҲ оқибатида ҳалок бўлганлар йўқ.
Ҳолат юзасидан Тойлоқ тумани ИИБ ЙҲХБ томонидан дастлабки суриштирув ишлари олиб борилмоқда.