“Ўзбекнефтгаз” акциядорлик жамияти Бошқарув раиси Абдуғани Сангинов раҳбарлигида нефть базалари фаолиятига бағишланган танқидий йиғилиш ўтказилди. Йиғилишда нефть базалари раҳбарлари ҳамда масъул ходимлар иштирок этди. Бу ҳақда “Ўзбекнефтгаз” матбуот хизмати хабар берди.
Унда нефть базалар фаолиятини соғломлаштириш, молиявий ва интизомий ҳолатни яхшилаш, солиқ юкини оптималлаштириш, ишчи-хизматчилар учун муносиб меҳнат шароитларини яратиш ҳамда ўртача иш ҳақини ошириш масалалари муҳокама қилинди.
Шунингдек, аҳолига ҳалоллик, поклик ва очиқлик тамойиллари асосида хизмат кўрсатиш орқали сифатли нефть маҳсулотларини етказиб бериш устувор вазифа экани алоҳида таъкидланди.
Олиб борилган ўрганиш ва таҳлиллар натижасига кўра, йил давомида фаолиятида жиддий камчиликларга йўл қўйган Термиз, Жиззах, Мароқанд ҳамда Кучлик нефть базалари раҳбарлари эгаллаб турган лавозимларидан озод этилди.