Шимолий Корея Россияга ёрдам бериши мумкин
Бундан Жанубий Корея Мудофаа вазирлиги хавотир билдирмоқда.
Шимолий Корея Россияга ёрдам бериш учун Украинага ўз қўшинларини юбориши мумкин. Бу ҳақида Жанубий Корея Миллий мудофаа вазирлиги раҳбари Ким Эн Хен маълум қилди.
Унинг сўзларига кўра, “Россия ва Шимолий Корея ҳарбий иттифоққа ўхшаш ўзаро шартнома имзолаганлиги сабабли, бундай жойлаштириш эҳтимоли юқори”.
Аввалроқ Донецк яқинида россиялик ҳарбийлар билан тажриба алмашиш учун келган Шимолий Кореянинг олти нафар офицери йўқ қилингани маълум бўлган эди.
“Бундан ташқари, Жанубий Корея ҳарбийлари КХДРда атом сувости кемаси қурилиши белгиларини қайд этди”, деб хабар беради Yonhap агентлиги.
