Сирдарёда ота 100 млн сўмдан ошиқ алимент тўлади
Шу тариқа унинг ижро ҳужжати тамомланган.
Сардобалик ота фарзандига 100 млн. сўмдан ошиқ алимент пулини олдиндан тўлаб берди. Бу ҳақида МИБ ахборот хизмати хабар бермоқда.
Қайд этилишича, қарздор У.О.дан вояга етмаган фарзандининг моддий таъминоти учун алимент ундириш тўғрисидаги суд қарори бўйича ижро ҳаракатлари Мажбурий ижро бюросининг Сардоба туман бўлими томонидан олиб борилган.
Мазкур ижро ҳужжати бўйича олиб борилган ижро ҳаракатлари ва тушунтириш ишлари натижасида қарздор ота фарзандига 103 млн сўм алимент пулини олдиндан тўлаб берди.
Шу боис, тарафларнинг келишуви ва ундирувчининг аризасига биноан мазкур ижро ҳужжатининг ижроси тамомланди.
