Столтенберг Швеция ва Финляндиянинг НАТОдаги аҳамиятини тушунтирди
Икки давлатнинг июнь ойида альянсга аъзолик аризаси қабул қилинганди.
Швеция ва Финляндиянинг НАТОга кириши альянснинг шимолдаги мавқеини мустаҳкамлайди. Бу ҳақда Йенс Столтенгберг маълум қилди.
“Финляндия ва Швециянинг НАТОга кириши билан Арктика атрофидаги 8 давлатнинг еттитаси альянс аъзосига айланади. Уларнинг аъзолиги бизнинг шимолдаги позицияларимизни мустаҳкамлайди. Бундан ташқари, Болтиқ денгизидаги иттифоқчиларимизни кучайтиради”, – деган НАТО бош котиби.
Маълумот ўрнида: 2022 йил июнь ойида Швеция ва Финляндия НАТОга аъзо бўлиш истагини билдирди. Альянснинг Мадриддаги саммитида иштирокчи давлатлар бу қарорни қўллаб-қувватлаган. Шу билан бирга Туркия ушбу икки давлатнинг Шимолий Атлантика иттифоқига қўшилиши жараёнини секинлаштириб турибди. Бунда курдлар масаласидаги келишмовчиликлар сабаб бўлган.
Аввалроқ Столтенберг Украина можароси қачон тугаши номаълумлигини айтганди.
