НАТО бош котиби Йенс Столтенберг Украинадаги можаро якунланиши бўйича саволга жавоб бера олмади.
Бош котибнинг Vijesti газетасига интервьюсида журналист ундан можаро якунланиши бўйича аниқ муддатларни сўраган.
"Украинадаги уруш қанча давом этишини олдиндан айтиш қийин ва унинг узоқ истиқболдаги таъсирини ҳам баҳолаш мушкул. Қанча бўлмасин, Украинани қўллаб-қувватлашда давом этиш муҳим. Албатта, биз кўрсатаётган ҳарбий, иқтисодий ва гуманитар ёрдам қимматга тушмоқда, аммо ундан воз кечиш янада қиммат бўларди",— деган альянс раҳбари.
Унинг сўзларига кўра, Украинани қўллаб-қувватлашдан воз кечиш Европани янада заифлаштирган бўларди.
Аввалроқ Владимир Зеленский Россияга огоҳлантириш билан чиққанди.