Ижтимоий тармоқда Тошкент метрополитенида вагонлардан бирининг ўриндиқлари ленталанган ҳолатда ҳаракатлангани айтилган видео тарқалди. Ҳолат юзасидан “Тошкент метрополитени” ДУК расмий муносабат билдирди.
Қайд этилишича, видеода 8644-сонли вагоннинг ўриндиқлари йиртилгани ва лента орқали муҳрлангани айтилган. Бу ҳаракат таркиби ҳозирги вақтда ўрнатилган тартибда йўналишдан олинган ва юзага келган камчилик бартараф этилиши учун электродепога юборилган.
“Юзага келган камчилик юзасидан йўловчилардан узр сўраймиз”, дейилади муносабатда.