Тошкентда 7 та метро бекати вақтинча ёпилади
3 ой муддатга мўлжалланган профилактик ишлар амалга оширилмоқда.
Ер усти ҳалқа йўли йўналишининг “Технопарк – Қипчоқ” (14 та бекатлардан иборат) бекатлари оралиғида босқичма-босқич 3 ой муддатга мўлжалланган режали профилактик ишлари амалга оширилмоқда.
Режали профилактик ишларни кейинги навбатини амалга ошириш учун 2025 йил 28 июнь санасида бошлаб “Қурувчилар (12-бекат) - Янгиобод (6-бекат)” бекатлари оралиғида метро поездлар ҳаракати тўхтатилади.
"Мазкур бекатлар оралиғи навбатма-навбат ёпилади. Масалан, аввалроқ, 14 бекатдан иккитаси ёпилган эди: Турон-Қипчоқ бекатлари ораси. Энди ишларни жадаллаштириб, кейинги босқичга ўтдик. Бунда, Қурувчилар бекатидан Янгиобод бекатигача, яъни 12-бекатдан 6-бекатгача ёпилади", - дейди “Тошкент метрополитени” ДУК матбуот котиби Тўйчи Мирзаев.
Тошкент метрополитени йўловчиларга ноқулайлик ҳосил қилмаслик мақсадида, “Қипчоқ–Янгиобод–Қипчоқ” метро бекатлари оралиғида бепул хизмат кўрсатувчи катта сиғимли автобуслар (метробус) ҳаракати йўлга қўйилади. Ушбу автобусларнинг кунлик иш вақти тонги 05:00 дан тунги 23:00 га қадар амалга оширилади.
