Бугун, 4 январь куни соат 19:19 да “112” тизими орқали Тошкент шаҳри Яшнобод тумани Авиациячилар кўчасида жойлашган “Авиасозлар деҳқон бозори” АЖ ҳудудидаги дўконлардан бирида ёнғин содир бўлаётгани ҳақида хабар келиб тушди. Бу ҳақда ФВВ хабар берди.
Мазкур хабарга асосан воқеа жойига 4 та ёнғин-қутқарув бўлинмаси жалб этилиб, улар соат 19:24 да етиб борган. Ёнғин соат 19:29 да қуршаб олиниб, 19:34 да тўлиқ ўчирилди.
Ёнғин оқибатида дўконнинг тахминан 20 квадрат метр майдонида ички қисми ва шифт қисми ёниб зарарланган.
Ҳодиса оқибатида тан жароҳати олганлар тўғрисида маълумот келиб тушмаган. Ҳозирда ёнғиннинг келиб чиқиш сабаблари ва етказилган моддий зарар миқдори аниқланмоқда.
Эслатиб ўтамиз, aввалроқ, 13 декабрда ҳам ушбу бозор ҳудудидаги маъмурий бинода ёнғин содир бўлгани тўғрисида хабар берилган эди.