Тошкент шаҳрида атмосфера ҳавосини доимий назорат қилиш учун мобил экологик лабораториялар фаолияти кучайтирилди. Пойтахтнинг барча туманларида 24 соат давомида ҳаво ифлосланиши мониторинг қилинмоқда.
Мазкур лабораториялар Экология ва иқлим ўзгариши миллий қўмитаси ҳузуридаги “Атроф-муҳитни муҳофаза қилиш соҳасида ихтисослашган аналитик назорат маркази” томонидан ташкил этилган бўлиб, Юнусобод туманидаги "Туркистон" метро бекати атрофидаги ҳудуд ҳам назорат қилинмоқда.
Экология қўмитаси томонидан ҳаво сифатини яхшилаш мақсадида тезкор штаб фаолият юритмоқда. Аниқланган ифлосланиш манбалари тегишли ташкилотларга етказилиб, зарур чора-тадбирлар кўрилмоқда, шунингдек, қўмита пойтахтдаги экологик вазиятни яхшилаш бўйича ҳамкорликни давом эттирмоқда.