Трамп Байден томонидан авто-қалам билан имзоланган барча ҳужжатларни бекор қилди

 

АҚШ президенти Доналд Трамп Жо Байден томонидан автоматик имзолаш қурилмаси – “авто-қалам” орқали тасдиқланган барча ижро фармойишларини бекор қилди. Бу ҳақида Трамп ўзининг Truth Social саҳифасида маълум қилди дейди ТАСС нашри.

 

Трампнинг таъкидлашича, бекор қилинган ҳужжатлар Байден президентлик даврида имзоланган барча фармойишларнинг қарийб 92 фоизини ташкил этади.

 

Президентнинг ёзишича, “Уйқусираб Жо Байден қалам ёрдамида имзолаган ҳар қандай ҳужжатлар эндиликда ўз кучини йўқотади. Агар АҚШ президенти шахсан рухсат бермаса, автоматик имзолаш қурилмасидан фойдаланиш тақиқланади”.

 

Трамп “радикал сўл демократлар Байденнинг президентлик ваколатларини амалда эгаллаб олганини” иддао қилди. Унинг фикрича, Байден ўзи бевосита имзоламаган барча ижро буйруқлари ҳақиқий кучга эга бўлмаган, чунки автоматик имзо қўлланган ҳужжатлар “ноқонуний” ҳисобланади.

 

Шунингдек, Трамп Байденнинг 2500 дан ортиқ шахс – жумладан, айрим қариндошларини афв этиш ҳақидаги фармойишлар ҳам авто-қалам орқали имзоланганини, шу боис уларни ҳақиқий эмас деб ҳисоблаш мумкинлигини билдирди.

 

Аввалроқ Байден The New York Times’га берган интервьюсида афв этиш бўйича барча қарорлар шахсан ўзи томонидан қабул қилинганини, бироқ ҳужжатлар сони кўплиги сабаб авто-қаламдан фойдаланишга тўғри келганини айтганди. Июль ойида Оқ уй Байден томонидан автоматик имзо қурилмасидан фойдаланилган ҳолатлар юзасидан текширув бошлаганини тасдиқлаган эди.