Истанбул Олий жиноят суди 2022 йил ноябрь ойида Истиқлол хиёбонида теракт содир этган аёлга ҳукм чиқарди.
Аҳлам ал-Башир 7 марта умрбод ёки 1794 йил қамоқ жазосига ҳукм қилинди. Прокурор унга 1949 йилдан 3009 йилгача қамоқ жазоси сўраганди.
Эслатиб ўтамиз, 2022 йилнинг 13 ноябрь куни Истанбул марказидаги Истиқлол кўчасида теракт уюштирилганди. Оқибатда олти киши ҳалок бўлган ва 99 киши яраланган. Туркия ҳукумати терактда халқ ҳимояси бўлинмалари ва Курдистон ишчилар партиясини айблаганди.