Туркиядаги зилзилада қанча хорижлик қурбон бўлгани очиқланди
Туркия Фавқулодда вазиятлар бошқармаси раҳбари минтақада зилзилалар ҳамон давом этаётганини айтди.
Қаҳраманмарашда бошланган даҳшатли зилзила оқибатида 47 975 киши ҳалок бўлди. Бу ҳақда Туркия Фавқулодда вазиятлар бошқармаси (AFAD) раҳбари Юнус Сезер маълум қилди, дея хабар берди Анадолу агентлиги.
Ю.Сезернинг сўзларига кўра, Туркия ва қўшни давлатлар, хусусан, Суриядаги зилзила қурбонларининг умумий сони 47 975 нафарни ташкил қилган. Улардан 6278 нафари хорижликлар, асосан Сурия фуқаролари.
AFAD раҳбарининг маълум қилишича, 3 мингдан ортиқ қутқарувчи табиий офат ҳудудларида қолиб, ишларни давом эттирган.
«Минтақада зилзилалар ҳамон давом этмоқда. Шунинг учун қутқарувчилар тайёр туришади. У ерда бошқа мамлакатлардан келган 300 га яқин қутқарувчилар ҳам қолади», — деди Ю.Сезер.
6 февраль куни эпицентри Қаҳраманмарашда бўлган Туркияда магнитудадан ортиқ иккита зилзила қайд этилди. Юзлаб афтершок содир бўлган зилзила мамлакатнинг 10 провинциясида ва қўшни мамлакатларда, жумладан Сурияда ҳам сезилган.
Вайроналар остидан қидиришда 88 мамлакатдан 11 минг қутқарувчи иштирок этди, улар орасида қозоғистонликлар ҳам бор.
Зилзила оқибатида Туркияга етказилган зарар 100 миллиард доллардан ошиши мумкин. Бу ҳақда БМТ Тараққиёт дастурининг Туркиядаги вакили Луиза Винтон маълум қилди.
Мутахассисларнинг фикрича, минтақада яна олти ой давомида зилзилалар такрорланади. Туркиядаги вайронкор зилзилаларни башорат қилган голландиялик тадқиқотчи Франк Хугербитс март ойи бошида янги фалокатлар эҳтимоли ҳақида огоҳлантирди.
7 март куни Хатай, Қаҳраманмараш ва Кайсери провинцияларида учтаа зилзила қайд этилди.
