Туркия сўнгги 20 йилдаги энг қурғоқчилик билан ўтган қишни бошдан кечирди ва мутахассисларнинг фикрича, келаётган ёз мавсумида сув таъминоти муаммоси муқаррар.
Экспертларнинг фикрича, мамлакатда июнь ойидан бошлаб сув етишмаслиги сабабли катта инқироз бошланади. Истанбул техника университети ўқитувчиси Орхан Шеннинг сўзларига кўра, кутилаётган ёғингарчилик сув омборларини тўлдириш учун етарли бўлмайди, уларнинг аксарияти қишки ёғингарчилик камайганлиги сабабли қурий бошлаган.
Давлат гидротехника иншоотларини назорат қилиш бош бошқармаси собиқ директори Дурсун Йилдиз ҳам худди шундай фикрда. Унинг айтишича, мамлакат учун вазият “яқинда содир бўлган зилзила каби оғир” ва бу муаммони миллий хавфсизлик масаласи сифатида зудлик билан ҳал қилиш керак.
Қишда Туркияда ёғингарчилик ўртачадан 24 фоизга кам ёғган.
Мутахассислар сувни тежашни, сенсорли кранлардан фойдаланишни, тишларини чўткалашда сувни ўчиришни, душ вақтини қисқартиришни ва автомобилларни узоқ вақт ювишдан қочишни тавсия қилади.