“Твиттер” акциядорлари миллиардер Илон Маскни компанияни 44 миллиард долларга сотиб олишда нархларни манипуляция қилгани учун судга бермоқда. Бу ҳақда “Reuters” нашри хабар берди.
Айтилишича, Маск 14 мартгача “Твиттер” акцияларининг 5 фоиздан кўпроғига эга бўлганини ошкор қилмагани учун 156 миллион доллар тежаган. Акциядорлар компания Маскнинг хатти-ҳаракатини текширишга мажбур эканлигини таъкидладламоқда. “Тwиттер”даги улушини ошкор қилишни кечиктириш орқали Маск бозорни манипуляция қилиб, акцияларни сунъий равишда арзон нархда сотиб олган.
Уларнинг сўзларига кўра, “Tesla” акцияларининг яқинда тушиб кетгани Маскнинг ижтимоий тармоқни сотиб олишни молиялаш қобилиятини жиддий хавф остига қўйган, чунки у компанияни сотиб олиш учун зарур бўлган кредитларни таъминлаш учун ўз акцияларини гаровга қўйган.