Украина Миллий хавфсизлик, мудофаа ва разведка қўмитаси Украинанинг “Ҳарбий ҳолатнинг ҳуқуқий режими тўғрисида”ги қонунига Қрим Автоном Республикаси ва Севастопол шаҳрида давлат ҳокимиятини тиклашнинг ўзига хос хусусиятларига оид ўзгартишлар киритиш бўйича лойиҳасини кўриб чиқди.
“Давлат ҳокимияти органлари вақтинча ишғол бошланганидан бери амалда ишламагани ва Қрим озод этилгандан сўнг маъмурият дарҳол ўз ишини давом эттиришининг имкони бўлмаслиги сабабли, лойиҳа Қримнинг барча даражаларида — маҳаллий даражадан республика даражасига қадар ҳарбий маъмуриятларни яратишни, шунингдек, сайланган ва давлат хизматини эгаллаганларнинг ваколатларини тугатиш имкониятини назарда тутади”, — деб ёзди Украина президентининг Қримдаги вакили.