Украинадаги урушнинг уч йили давомида Россиянинг 6 мингдан ортиқ элитали ҳарбийси ҳалок бўлган. Бу ҳақида BBC нашри маълум қилди.
Аниқ рақам — 6083 киши. Нашрга кўра, бу соҳага энг жангга лаёқатли бўлинмалардан бўлган профессионал ҳарбийлар киради: ВДВ, денгиз пехотаси, махсус кучлар ва ҳарбий учувчилар.
2022 йил 1 сентябрга қадар журналистлар элитали бўлинмалардан 900 нафар ҳарбийнинг ҳалок бўлганини тасдиқлашга муваффақ бўлишган.
Ҳалок бўлганларнинг кўпчилиги десантчилар — 3957 киши. Бу рақамда ҳам профессионал ҳарбийлар, ҳам ихтиёрийлар (419 киши) ва сафарбар қилинганлар (253 киши) бор.