Венгрия ҳукумати Украинадаги уруш туфайли мамлакатда фавқулодда ҳолат жорий этишга қарор қилди. Бу ҳақда Бош вазир Виктор Орбан маълум қилди.
Унинг таъкидлашича, бундай қарор “Украинада охири кўринмайдиган уруш давом этаётгани учун” қабул қилинган.
“Ҳукумат Асосий қонунга мувофиқ, бугун ярим тундан бошлаб ҳарбий ҳолат эълон қилиш ҳуқуқидан фойдаланмоқда. Украинадаги уруш Венгрияга доимий хавф туғдиради, иқтисодиёт ва оилаларнинг энергия таъминоти ва молиявий хавфсизлигини хавф остига қўяди”, — деган Орбан.