Хоразмда Меҳрибонлик уйидаги зўравонлик: собиқ мансабдорларнинг бири 2 йил, яна бири 3 йилга қамалди
Аввалроқ Тошкентда 17 ёшли қизга ҳужум қилган йигит 10 йилга озодликдан маҳрум қилганди.
Хабарингиз бор, жорий йилнинг 1 апрел куни Хоразмда Адлия ва ФВБ бошлиқлари Меҳрибонлик уйининг 15-16-17 ёшли қизларини 10 ой давомида зўрлаб келгани ҳақидаги хабар ижтимоий тармоқларни ларзага келтирганди.
Шундан сўнг, Олий суд матбуот хизмати айбланувчиларга нисбатан жиноят иши Тошкент шаҳар судида кўриб чиқилишини айтган.
Бугун, 3 ноябр куни ЖИБ Тошкент шаҳар суди аппеляция ҳайъатида мазкур жиноят иши бўйича суд ҳукми ўқилди. Бу ҳақда Инсон ҳуқуқлар "Эзгулик" жамияти раиси Абдураҳмон Ташанов ижтимоий тармоқ саҳифасида эълон қилди. Хабарга кўра, хоразмлик педофиллар суд залидан қамоққа олинган.
Хусусан, Хоразм вилояти Адлия бошқармаси собиқ раҳбари Ойбек Машарипов 3 йилга ва Янгиариқ тумани ФВВ собиқ бошлиғи Анвар Курязов 2 йилга озодликдан маҳрум қилинган.
Эслатиб ўтамиз, жорий йилнинг апрел ойида интернетда номаълум шахс мактабдан уйига қайтаётган қизнинг орқасидан келиб қучоқлаб олгани, унинг юзидан ўпгач қочиб кетгани акс этган видео тарқалганди. 8 август куни жиноят ишлари бўйича Миробод туман судида мазкур иш кўриб чиқилиб, 17 ёшли қизга ҳужум қилган шахс 10 йилга қамалди.
