Евроиттифоқ ташқи ишлар вазирлари 31 август куни Россия фуқароларига виза беришни тақиқлаш масаласини кўриб чиқади. Бу ҳақда ЕИ бош дипломати Жозеп Боррель маълум қилди.
Учрашув Прагада бўлиб ўтади. Унда, шунингдек, Украина қуролли кучларининг Европадаги эҳтимолий ўқув машғулотлар базасини яратиш масаласи ҳам муҳокама қилинади.
“Евроиттифоқ нафақат Украинадаги ҳарбий ҳаракатларни тўхтатиш, балки янги низоларнинг олдини олиш ҳақида фикрлаши керак”, — деган Боррель.
Шу билан бирга дипломат яқин ҳафта ва ойлар ЕИ учун жуда қийин бўлишини, европаликлар эркинлик ва хавфсизлик учун товон тўлашга тайёр туриши зарурлигини айтган.
Аввалроқ Эстония бош вазири Россия фуқароларига Шенген визалари беришни бутунлай тўхтатишга чақирганди.