Эстония бош вазири россиялик туристларни “таҳдид” деб атади
Кая Каллас РФ фуқароларига Шенген визасини беришни тақиқлашга чақирди.
Россия туристлари Эстония миллий хавфсизлигига таҳдид ҳисобланади. Бу ҳақда мамлакат бош вазири Кая Каллас Британиянинг Sky News телеканали эфирида маълум қилди.
“Муаммо шундаки, Эстонияга келаётган барча туристларни текшириш имконияти йўқ. Биз уларнинг республика хавфсизлигига таҳдид эканини кўряпмиз”, – деган у.
Шу муносабат билан сиёсатчи яна бир бор ЕИни россияликларнинг Европага киришини бутунлай тақиқлашга чақирган. Бош вазирнинг фикрича, бу орқали “Москва ва Санкт-Петербургдан келадиган туристларнинг Кремлга босим ўтказиши”га эришиш мумкин.
Эстония 18 августдан Россия фуқароларига Шенген визаларини беришни тўхтатди.
Финляндия россияликларга виза беришни секинлаштиргани тўғрисида хабар берилганди.
