Шимолий Корея навбатдаги ракетасини учирди. У минг километр масофага бориб тушган.
Япония мудофаа вазири Ясукадзу Хамада ракета 6 минг метр баландликка кўтарилганини айтган. Унинг сўзларига кўра, ракета траекторияси бироз ўзгартирилган тақдирда у 15 минг км масофага учиб борган бўларди. Бу АҚШ қуруқлик чегарасига хавф туғдиришини англатади.
"Биз ҳозир ҳодисани таҳлил қиляпмиз. Аммо парвоз 69 дақиқа давом этган бўлиши мумкин. Агар қитъалараро баллистик ракеталар траекториясидан келиб чиқиб ҳисобланса, у 15 минг километр масофагача бориб тушиши мумкин, бу АҚШ ҳудудини ҳам ўз ичига олади", — деган Хамада.
Ракета Осима оролидан 200 километр узоқликка қулаган. Япония Шимолий Кореяга расман норозилик билдирган.
Бу КХДРнинг йил бошидан буён ўтказган 34-ракета синови бўлди.