Бу ҳақда Goldman Sachs банкининг глобал товарлар тадқиқоти бошлиғи Жеффри Карри маълум қилди.
Таҳлилчилар жорий йилда Россияга қарши санкцияларнинг кучайтирилиши, Эрон билан ядровий битим тузишдаги қийинчиликлар ҳамда ОПЕК аъзолари ва унинг иттифоқчиларининг эркин ишлаб чиқариш қувватларининг қисқариши фонида нефт нархи ошишини башорат қилмоқда.
IHS таҳлилий ҳисоботига кўра, жаҳон бозорларида таклиф кам бўлган тақдирда бир баррел Brent нефти нархи 2022 йилнинг иккинчи ярмида 135 долларгача кўтарилиши мумкин. Шунингдек, жорий йилнинг учинчи чорагида нархлар бир баррел учун 136,3 долларгача кўтарилиши мумкин. Уларнинг прогнозича, умуман олганда, иккинчи ярим йилликда нефт нархи 135 АҚШ доллари даражасида сақланиб қолади ва йилига ўртача 122 АҚШ долларини ташкил этади.