Зеленский Байденни Украинани НАТОга ҳозир таклиф қилишга чақирди
Бу сигнал биз учун жуда муҳим — Зеленский.
Президент Владимир Зеленский Америка етакчиси Жо Байденни Украинани уруш тугаганидан кейин альянсга аъзо бўлиши мумкин бўлса ҳам, ҳозир НАТОга таклиф қилишга чақирди.
Зеленскийнинг таъкидлашича, Байден мамлакат Шимолий Атлантика альянсига аъзо бўлиш-бўлмаслигини ҳал қилади.
“У бизнинг НАТОдаги келажагимизни қўллаб-қувватлайди, аммо ҳозир таклиф Украина аскарлари учун катта ёрдам бўлади”, — деди Зеленский.
Унинг айтишича, Украина ҳарбий можаро тугагунига қадар мамлакат НАТОга қабул қилинмаслигини тушунади, бироқ украиналиклар бу масалада иттифоқчиларнинг ёрдамини ҳис қилишлари муҳим.
"Биз ҳаммамиз тушунамиз. Лекин бу сигнал ҳақиқатан ҳам жуда муҳим", — деб таъкидлади Зеленский ва бу Байденнинг қарорига боғлиқлигини қўшимча қилди.
Аввалроқ Зеленский Украинанинг НАТОга кириши алгоритмини талаб қилган ва Вилнюсга сафари шартларини айтиб ўтган эди.
