Зеленский: Бу йил Украина ғалабаси йили бўлади
Украина етакчиси ҳарбий можаронинг бир йиллиги ҳақида таъсирли твит қолдирди.
2023 йил Украина ғалабаси йили бўлади. Бу ҳақда президент Владимир Зеленский Twitter саҳифасида ёзди.
Бугун Россия босқинига бир йил тўлди. Шу муносабат билан қатор сиёсатчилар ва экспертлар бу бўйича ўз фикрларини билдирмоқда.
“24 февраль куни миллионлаб одамларимиз ўз танловини қилди. Оқ байроқ эмас, кўк-сариқ. Қочиш эмас, қаршилик. Қаршилик ва кураш”, – деган Зеленский.
Украина етакчисининг фикрича, ўтган йили унинг мамлакати енгилмас бўлиб қолди. У бу йил Украина ғалабаси йили бўлиб қолишига ишонч билдирган.
