Зеленский Канн кинофестивалида онлайн нутқ сўзлади

 

 

Владимир Зеленский Канн кинофестивалида видеоалоқа орқали нутқ сўзлаб, Украина курашни давом эттиришини, Россия эса мағлуб бўлишини айтди, деб хабар бермоқда Президент девони матбуот хизмати. 

 

Давлат раҳбари 20-асрнинг энг даҳшатли диктаторлари кинони яхши кўргани, аммо ортда ўзларидан даҳшатли кинохроника ҳужжатли фильмлар қолдирганини айтди.

 

У Чарли Чаплиннинг 1940 йилда экранлардан янграган сўзларини эслади:

 

"Одамларнинг нафрати ўтади, диктаторлар ўлади ва улар халқдан тортиб олган ҳокимият халққа қайтади. Одамлар ўлар экан, озодлик ҳеч қачон йўқ бўлиб кетмайди ...".

 

Зеленскийнинг сўзларига кўра, ўшандан буён инсоният кўплаб ажойиб фильмлар яратган.

 

"Бизнинг еримизга аллақачон 2000 дан ортиқ ракета тушди, ўнлаб шаҳарлар бутунлай вайрон бўлди, қишлоқлар вайрон бўлди, ёндирилди, 500 мингдан ортиқ украиналиклар Россияга куч билан депортация qilindi... одамлар Россиянинг фашистлар лагерларига ўхшаб яратилган лагерларида.У ерда қанча маҳбус омон қолишини ҳеч ким билмайди," деди Зеленский.

 

Унинг қўшимча қилишича, одамлар ҳар куни ўлмоқда ва “Стоп, тасвирга олинди” деган иборадан кейин ҳам улар ҳаётга қайтмайди. Давлат раҳбари кино оламини ҳозир дунё кўрсатаётган бирликдан четда қолмасликка чақирди.