Зеленский Маскка: Келинг ва ўз кўзингиз билан Россия ишларига гувоҳ бўлинг
Украина Президенти Tesla раҳбарини мамлакатга таклиф қилди.
Владимир Зеленский Илон Маскни Украинага таклиф қилди. Бу ҳақда у The New York Times DealBook Summit конференциясидаги чиқишида маълум қилган.
"Агар Россия Украинада нима қилганини англамоқчи бўлсангиз, бу ерга келинг ва ҳаммасини ўз кўзингиз билан кўрасиз. Шундан кейин урушни қандай ва қачон тугатиш кераклигини айтасиз", — деган Украина етакчиси Маскка қарата.
Октябрь бошида миллиардер қуролли можарони тугатиш бўйича ўз режасини таклиф этганди. Унга кўра, Россия эгаллаб олган ҳудудларда референдум ўтказилиши, Қрим РФ таркибида қолиши, Украина нейтрал давлат бўлиб қолиши назарда тутилганди. Акс ҳолда Маск ядро уруши бошланишидан огоҳлантирган. Бу режа украин ҳукуматининг кескин норозилигига сабаб бўлганди.
