Abdulaziz Komilov SHHT bosh kotibi bilan uchrashdi
O‘zbekiston tashqi ishlar vaziri Abdulaziz Komilov 6 iyul kuni Shanxay hamkorlik tashkiloti bosh kotibi Vladimir Norov bilan uchrashdi. Bu haqda vazirlik matbuot xizmati xabar berdi.
Taʼkidlanishicha, suhbat chog‘ida O‘zbekiston va SHHT o‘rtasidagi ko‘p qirrali hamkorlikning holati va istiqbollari hamda tashkilot faoliyatini yana-da rivojlantirish masalalari muhokama qilindi.
SHHTga aʼzo mamlakatlar davlat rahbarlari kengashi va tashqi ishlar vazirlari kengashining bo‘lajak yig‘ilishlari kun tartibi va tashkiliy jihatlari yuzasidan fikr almashildi.
Shuningdek, 2021 yil 15–16 iyul kunlari Toshkent shahrida bo‘lib o‘tadigan «Markaziy va Janubiy Osiyo: mintaqaviy bog‘liqlik. Tahdidlar va imkoniyatlar» mavzusidagi yuqori darajali xalqaro konferensiyasida SHHT delegatsiyasining ishtirokiga alohida eʼtibor qaratildi.
