«Lasetti»ning daraxtga borib urilishi oqibatida yo‘lovchi vafot etdi
Ijtimoiy tarmoqda “Bo‘stonliqda “Lasetti” daraxtga urildi” sarlavhasi ostida tarqalgan xabar yuzasidan YHXBB matbuot xizmati maʼlumot berdi.
Joriy yilning 28-iyun kuni Toshkent viloyati, Bo‘stonliq tuman hududidan o‘tgan 4R-12 avtomobil yo‘lining 47-kilometrida, haydovchi “Lasetti” rusumli avtomobilni boshqarib borayotgan vaqtda rul boshqaruvini yo‘qotib, yo‘lning o‘ng tomonidagi daraxtga borib urilgan.
Natijada, yo‘lovchi, 1991-yilda tug‘ilgan J.M. tuman tibbiyot birlashmasi jonlantirish bo‘limida vafot etgan hamda ikki nafar yo‘lovchisi shifoxonaga yotqizilgan.
Mazkur YTH yuzasidan Bo‘stonliq tumani IIB huzuridagi TB tomonidan tergov harakatlari olib borilmoqda.
