Prezident Shavkat Mirziyoyev davlat tashrifi bilan O‘monga bordi
Prezidentni O‘mon Sultoni Haysam bin Toriq Ol Said va sultonlikning yuqori darajali rasmiylari kutib oldi.

O‘zbekiston Respublikasi Prezidenti Shavkat Mirziyoyev davlat tashrifi bilan O‘mon Sultonligiga keldi. Mamlakat havo hududida Shavkat Mirziyoyevning samolyotini sultonlik Harbiy-havo kuchlarining qiruvchilari kuzatib bordi.
Masqat xalqaro aeroportida Prezidentni O‘mon Sultoni Haysam bin Toriq Ol Said va sultonlikning yuqori darajali rasmiylari kutib oldi.
Oliy martabali mehmon sharafiga faxriy qorovul saf tortdi. Yetakchilar rasmiy delegatsiyalar a’zolarini qutladilar va faxriy qorovul safi oldidan o‘tdilar.
Aeroportning Sultonlik terminalida bo‘lib o‘tgan qisqa suhbatdan so‘ng davlat rahbarlari birgalikda “Al-A’lam” saroyiga yo‘l oldilar.








