O‘zbekiston mezbonlik qiladigan Osiyo kubogiga qurʼa tashlandi
Osiyo futbol konfederatsiyasi 2022 yilgi U-23 Osiyo kubogi mezbonligini O‘zbekistonga taqdim etgan edi.
Mazkur chempionatning saralash bosqichi uchrashuvlari uchun qurʼa tashlash marosimi bugun “Bunyodkor” ctadionida bo‘lib o‘tdi. Unga ko‘ra 46 ishtirokchi jamoa G‘arb va Sharq mintaqalariga bo‘lingan holda saralash bosqichida qatnashadi. Qurʼa natijalariga ko‘ra jamoalar 11 ta guruhda 15 ta yo‘llanma uchun kurash olib boradigan bo‘ldi.
O‘zbekiston U-23 terma jamoasi final bosqichi mezboni sifatida to‘g‘ridan-to‘g‘ri yo‘llanmaga egalik qiladi. Lekin, shunday bo‘lsa ham, yoshlar terma jamoasi saralash uchrashuvlarida ham ishtirok etadigan bo‘ldi. O‘zbekistonning saralashdagi o‘yinlari o‘rtoqlik o‘yini maqomida o‘tadi. U-23 Osiyo kubogi 2022 caralash bosqichi bellashuvlari joriy yilning 23-31 oktyabr kunlari markazlashgan holda o‘tkazilishi rejalashtirilgan.
