“Barselona” baʼzi futbolchilari bilan xayrlashmoqchi
“Barselona” hujumchisi Antuan Grizmann “Manchester Siti” bosh murabbiyi Xosep Gvardiola bilan telefon orqali suhbatlashdi.
Xabarlarda aytilishicha, fransiyalik hujumchi “shaharliklar” ustozi bilan transfer masalasini muhokama qilgan.
Maʼlumki, “Barselona” yuqori maosh oladigan futbolchilarning bir qismi bilan xayrlashmoqchi. Klubdan ketishi kerak bo‘lganlar orasida Antuan Grizmann ham bor.
“Manchester Siti” esa asosiy nishoni Harri Keynni qo‘lga kirita olmayapti. “Tottenxem” bu hujumchi uchun taklif etilgan 100 million funtni qabul qilmadi.
Xosep Gvardiola jamoani tark etib, “Barselona”ga o‘tib ketgan Serxio Aguero o‘rniga kataloniyaliklar safidan Antuan Grizmanni sotib olishga qarshi emas.
