Italiya Yevropada tengsiz

 

 

Uchrashuvning asosiy vaqtida durang natija qayd etildi, qo‘shimcha daqiqalarda ham hisob ochilmadi, penaltilar ceriyasida esa italyanlarning qo‘li baland keldi. Shunday qilib Italiya o‘z tarixida 53 yildan beri ikkinchi bor Yevropada tengsiz deya eʼtirof etildi. Italiya himoyachisi Jorjio Kellini 2020 yilgi Yevropa chempionatida g‘alaba qozonganidan so‘ng o‘z hissiyotlari bilan o‘rtoqlashdi:

 

“Bu katta hikoya ... Orzu amalga oshdi. Haqiqatan ham, bu juda ajoyib. Ushbu musobaqani endi boshlaganimizda, allaqachon ertakning atrofimizda mavjudligini his qildik. Bu tuyg‘u har kuni xayolimizni band qildi. Xayolimizda Kannavaroning 2006 yilgi Jahon chempionatida qo‘lida kubok bilan rasmini ko‘z o‘ngimizga keltirdik va bu bizga omad keltirdi. Men omadliman, chunki tasodif tufayli Janluiji Buffonning yonida o‘ynaganman. Endi esa Donnarumma bilan birga bir safdaman. Bu qiyin o‘yin edi. Biz uchrashuvni yomon boshladik. Ayniqsa tribunadagi muxlislar raqibga qo‘shimcha kuch bag‘ishladi. Ammo, biz juda xotirjam edik. Tanaffus vaqtida gaplashdik, pas bilan o‘ynashni yaxshilash, darvoza tomon zarbalar yullash zarurligini muhokama qildik. G‘alaba qozonishning yagona yo‘li o‘yinni o‘z nazoratimizga olish ekanligiga tushunib yetdik. Ushbu g‘alabani orzu qilardik, endi esa tarixga kirdik va Yevropa chempioniga aylandik. Barchamiz nihoyatda baxtlimiz. G‘alabani butun Italiya bilan nishonlashimiz mumkin. Biz g‘alaba qozonishga loyiqmiz. Moʻjizaviy voqealarning alomati atrofda sezilib turadi. Endi zavqlanish vaqti keldi! Biz har doim bu jarayondan quvonch va kuch olib, futbol o‘ynashga harakat qildik. Dastlabki daqiqalardagi shokka qaramay, o‘yinni o‘z qo‘limizga oldik va oxirigacha ushlab turdik".